బుక్ మై షో చేతికి మ‌స్తీ టిక్కెట్స్‌

ఆన్‌లైన్ టిక్కెట్ బుకింగ్ వెబ్‌సైట్ మ‌స్తీ టిక్కెట్స్‌ను బుక్ మై షో కొనేసింది. ఈ సంస్థ హైద‌రాబాద్‌కు చెందిన రెండేళ్ల స్టార్ట‌ప్. అయిన‌ప్ప‌టికీ ఆంధ్ర‌ప్ర‌దేశ్‌, తెలంగాణ రాష్ట్రాల్లో దీనికి వ్యాపార విస్త‌ర‌ణ ఉంది. ఈ సంస్థ‌ను ద‌క్కించుకోవ‌డం ద్వారా రెండు రాష్ట్రాల్లో బుక్‌మైషోకు అద‌నంగా 120 స్క్రీన్లు జ‌త అవుతాయ‌ని సంస్థ సీఈవో, స‌హ వ్య‌వ‌స్థాప‌కుడు అశీష్ హేమ్‌ర‌జ‌నీ చెప్పారు.

బుక్‌మై షో గురించి

దేశంలో అగ్ర‌గామి ఆన్‌లైన్ మూవీ టిక్కెట్ బుకింగ్ సంస్థ‌గా బుక్‌మై షో ఉంది. ఈ సంస్థ డిసెంబ‌రులో ఒక కొత్త ఆండ్రాయిడ్ యాప్‌ను ఆవిష్క‌రించింది. ఇది డిస్క‌వ‌ర్‌, డిసైడ్‌,బుక్ అనే మూడు వ‌రుస విధానాల ఆధారంగా ప‌నిచేస్తుంది. దీని ద్వారా వినియోగ‌దారులు మూవీ టిక్కెట్లు బుక్ చేసుకోవ‌చ్చ‌ని, స‌రికొత్త అనుభూతుల‌ను ఇది అందించ‌గ‌ల‌ద‌ని ఆ సంస్థ పేర్కొంది. ఈ అత్యాధునిక యాప్ ద్వారా వినియోగ‌దారులు గ‌తంలో కంటే వేగంగా బుకింగ్ జ‌ర‌పొచ్చ‌ని సంస్థ వివ‌రించింది.