రెండో త్రైమాసికంలో హెచ్డీఎఫ్సీ లాభాలు పెరిగాయ్
హెచ్డీఎఫ్సీ బ్యాంకు రెండో త్రైమాసికంలో 20.4% వృద్దితో 3455 కోట్ల రూపాయల లాభాన్ని ఆర్జించింది. వడ్డీ,ఇతర ఆదాయాలు పెరగడంతో ఈ వృద్ది సాధ్యమైంది.
హెచ్డీఎఫ్సీ బ్యాంకు రెండో త్రైమాసికంలో 20.4% వృద్దితో 3455 కోట్ల రూపాయల లాభాన్ని ఆర్జించింది. వడ్డీ,ఇతర ఆదాయాలు పెరగడంతో ఈ వృద్ది సాధ్యమైంది. సెప్టెంబర్తో ముగిసిన త్రైమాసికంలో బ్యాంకు లాభాలు రూ. 3455 కోట్లుగా ఉన్నాయి. అంతకు ముందు ఏడాది ఇదే త్రైమాసికంలో బ్యాంకు లాభాలు రూ. 2869.45 కోట్లు. బ్లూమ్బర్గ్ విశ్లేషకుల ప్రకారం బ్యాంకు రూ. 3470 కోట్ల లాభాలను ఆర్జించాల్సి ఉంది.
రుణాలివ్వడం ద్వారా వడ్డీ ఆదాయం పెరగడంతో అందులో 19.65% పెరుగుదలతో నికర వడ్డీ ఆదాయంలో 19.65% పెరుగుదలతో రూ. 7993.59 కోట్ల ఆదాయాన్ని ఆర్జించింది. గతేడాది సెప్టెంబరు త్రైమాసికంలో ఇది రూ. 6880.90 కోట్లుగా ఉంది. ఇతర ఆదాయాల్లో సైతం 13.68% పెరుగుదల సంభవించి గతేడాది ఉన్న లాభం రూ. 2551 కోట్ల నుంచి ప్రస్తుతం సంవత్సరం సెప్టెంబరు త్రైమాసికంలో రూ. 2991 కోట్లను ఆర్జించింది.