సుబ్ర‌తా రాయ్ బెయిల్ ర‌ద్దు: మ‌ళ్లీ జైలుకి

News

oi-Chandrasekhar

By Chandrasekhar

| Published: Friday, September 23, 2016, 14:06 [IST]

సహారా గ్రూపు అధినేత సుబ్రతా రాయ్ కి శుక్ర‌వారం సుప్రీంకోర్టు షాకిచ్చింది. ఆయన పెరోల్(తాత్కాలిక బెయిల్) ను రద్దు చేసింది. ఇటీవల పెరోల్ మీద బయటకు వచ్చిన సుబ్రతా తాత్కాలిక బెయిల్ ను పొడిగించడానికి ఉన్నత న్యాయస్థానం ఆయన్ను తీహార్ జైలుకు తరలించాలని ఆదేశించింది. అక్టోబర్ మూడు వరకు జ్యడీషియల్ కస్టడీ విధించింది. ఈ కేసు విచారణ సందర్భంగా సహారా న్యాయవాది, సుప్రీం న్యాయవాది మధ్య వాదోపవాదాలు చోటు చేసుకున్నాయి. దీనిపై తీవ్ర ఆగ్రహం వ్యక్తం చేసిన ప్రధాన న్యాయమూర్తి సుబ్రతాను జైలుకు తరలించాల్సిందిగా ఆదేశించారు. సహారా చీఫ్ సుబ్రతా రాయ్ తో పాటు మరో ఇద్దరి పెరోల్ కూడా రద్దు చేసిన సుప్రీం వారిని తిరిగి జైలుకి పంపాలని స్పష్టం చేసింది.

కాగా నిబంధనలకు విరుద్ధంగా మదుపరుల నుంచి సేకరించిన డబ్బు దాదాపు రూ.25,000 కోట్లను తిరిగి చెల్లించడంలో విఫలమైన కేసులో 2014 లో సుబ్రతా రాయ్ జైలుకి వెళ్లారు. అయితే తల్లి మరణంతో మానవీయ కోణంలో ఈ ఏడాది మే 6 న నాలుగు వారాల పెరోల్‌ను అత్యున్న‌త న్యాయ‌స్థానం మంజూరు చేసింది. అనంతరం ఆయన చెల్లించాల్సిన మొత్తంలో రూ.10,000 కోట్లలో, సెబీకి రూ .300 కోట్లు డిపాజిట్ చేయాలనే షరతు తో ఆగస్టు 3 న రాయ్ పెరోల్‌ గడువును సెప్టెంబర్ 16 వరకు, ఆ తర్వాత ఈ రోజు వరకు పొడిగించిన సంగతి తెలిసిందే.