ప్ర‌పంచ సంప‌న్నుల హాబీలేంటి?

సంప‌న్నుల అభిరుచులు

ఈ వెల్త్ ఎక్స్ అధ్య‌య‌నంలో కేవ‌లం సంప‌ద గురించే కాకుండా వారి అల‌వాట్లు, హాబీల గురించి సైతం చ‌ర్చించారు. మొత్తానికి అంద‌రిలో ఎక్కువ శాతం మంది స‌మాజ సేవ‌కు మొగ్గుచూపుతున్న‌ట్లు తేలింది. స‌గం కంటే ఎక్కువ శాతం(56%) బిలియ‌నీర్లు సామాజిక సేవా కార్య‌క్ర‌మాల్లో చురుగ్గా పాల్గొంటుండ‌టం మంచి విష‌యం.

సంప‌న్నుల అభిరుచులు

బిల్‌గేట్స్‌, వారెన్ బ‌ఫెట్ చేస్తున్న కృషిని గూర్చి ప్ర‌పంచ‌మంతా చర్చిస్తుండ‌టం మూలంగా ఈ సేవ‌లు చేయ‌డానికి ఎక్కువ మంది మొగ్గుచూపుతూ ఉండొచ్చ‌ని అధ్య‌య‌నం పేర్కొంది. ఈ సామాజిక సేవ‌ల‌ను ప‌క్క‌న పెడితే త‌ర్వాతి స్థానాల్లో ట్రావెల్‌, క‌ళ‌లు, ఫ్యాష‌న్‌, స్టైల్ వంటివి ఉన్నాయి.

సంప‌న్నుల అభిరుచులు

సామాజిక సేవ‌ల కార్య‌క్ర‌మాల‌కు అత్య‌ధికంగా 56.3 శాతం మొగ్గుచూపుతుండ‌గా, స్కైయింగ్‌కు అతి త‌క్కువ‌గా 7.2 శాతం, దాని త‌ర్వాత స్థానంలో వాచీల కొనుగోలు(7.7%), ఫిషింగ్‌(7.8%) వైపు ఆస‌క్తి క‌లిగి ఉన్న‌ట్లుగా తెలుస్తోంది.

సంప‌న్నుల అభిరుచులు

మొత్తం బిలియ‌నీర్లలో ప్ర‌యాణాల‌వైపు 31.0 శాతం, క‌ళ‌ల వైపు 28.7 శాతం మంది మొగ్గుచూపుతుండ‌గా, ఫ్యాష‌న్ అండ్ స్టైల్ అంశంలో సైతం 25.2 శాతం మంది ఆస‌క్తిని క‌న‌బ‌రుస్తున్న‌ట్లు వెల్ల‌డయ్యింది.

సంప‌న్నుల అభిరుచులు

రాజ‌కీయాల్లో 22.2%, వైన్‌,స్పిరిట్‌ల్లో 15.9%, బోటింగ్‌లో 14.9%, ఆరోగ్యం, వ్యాయామ కార్య‌క‌లాపాల్లో 14.8%, ఆటోమొబైల్స్‌లో 14.8% మంది త‌మ అభిరుచిని క‌లిగి ఉండ‌గా, వ‌స్తు సేక‌ర‌ణ హాబీగా క‌లిగిన వారు 14.1 శాతం ఉన్న‌ట్లు అధ్య‌య‌నం పేర్కొంది.

సంప‌న్నుల అభిరుచులు

ఫుట్‌బాల్ లేదా సాక‌ర్ ఆటను 13.1 శాతం మంది ఆడేందుకు ఇష్ట‌ప‌డుతుండగా, పుస్త‌కాలు చ‌దివేందుకు 12.3% మంది త‌మ ఆస‌క్తిని వెలిబుచ్చుతున్నారు. సాంస్కృతిక కార్య‌క్రమాల వైపు 12.1% మందికి మ‌న‌సు మ‌ళ్ల‌గా, గోల్ప్ క్రీడ ఆడ‌టానికి 11.0% మంది స‌మ‌యం వెచ్చిస్తున్న‌ట్లు తెలుస్తోంది.

సంప‌న్నుల అభిరుచులు

హంటింగ్‌(వేట‌) హాబీగా క‌లిగిన వారు 8.8% మంది, ఆభ‌ర‌ణాలపై మోజు 8.1% మంది, ఫిషింగ్ అల‌వాటు ఉన్న‌వారు 7.8% ఉన్న‌ట్లు అధ్య‌య‌నం వెల్ల‌డించింది.