మ్యాన్యువ‌ల్‌గా ఫ‌ట్కా వివ‌రాల న‌మోదు ఆగ‌స్టు 1 నుంచి

బీఎస్ఈ స్టార్ మ్యూచువ‌ల్ ఫండ్ ఫ్లాట్‌ఫాంపై మ‌నుషులే నేరుగా వివ‌రాలు న‌మోదు చేసే సౌక‌ర్యాన్ని ఆగ‌స్టు 1 నుంచి క‌ల్పించ‌నున్న‌ట్లు బీఎస్ఈ సంస్థ తెలిపింది. అంత‌ర్జాతీయ ప‌న్ను చ‌ట్టాల‌కు సంబంధించి ఫ‌ట్కా(ఫారిన్ అకౌంట్ ట్యాక్స్ కాంప్లియెన్స్ యాక్ట్‌) నిబంధ‌న‌లు పాటించే క్ర‌మంలో ఈ క‌స‌ర‌త్తు జ‌రుగుతోంది. ట్రేడింగ్ ప్లాట్‌ఫాంపై త‌మ క్లైంట్ల‌కు సంబంధించిన వివ‌రాల‌ను ఇవ్వాల్సిందిగా జ‌న‌వ‌రిలోనే బీఎస్ఈ మ్యూచువ‌ల్ ఫండ్ సంస్థ‌ల‌ను కోరింది.

డిసెంబ‌రు 2009లో బీఎస్ఈలో మ్యూచువ‌ల్ ఫండ్ ట్రేడింగ్ విభాగం ఏర్పాట‌యింది. ఏడాదికొక‌సారి అమెరికా, ఇత‌ర దేశాల ప‌న్ను చెల్లింపుదార్ల వివ‌రాల‌ను తెలుసుకునేందుకు వీలుగా ఫ‌ట్కాపై అమెరికా, భార‌త్ స‌హా ప‌లు దేశాలు ఒప్పందం చేసుకున్నాయి. దీని ప్ర‌కారం అన్ని దేశాలు కేవైసీ వివ‌రాల‌ను మ‌రింత స‌మ‌ర్థ‌వంతంగా సేక‌రించి స‌మాచారాన్ని పంచుకుంటాయి.