ఐటీలో అత్యంత శక్తివంతమైన బ్రాండ్గా టీసీఎస్
లండన్: ఐటీ సేవల రంగంలో ప్రపంచంలోనే అత్యంత శక్తివంతమైన బ్రాండ్గా దేశీయ ఐటీ దిగ్గజం టాటా కన్సల్టెన్సీ సర్వీసెస్ (టీసీఎస్)నిలిచింది. అంతర్జాతీయంగా బ్రాండ్ విలువను గణించే సంస్థ బ్రాండ్ ఫైనాన్స్, 2016కు సంబంధించి వార్షిక జాబితాను ప్రచురించింది.
ఈ జాబితాలో అత్యంత శక్తివంతమైన బ్రాండ్గా టీసీఎస్ అవతరించింది. ప్రపంచవ్యాప్తంగా ఉన్న అనేక బ్రాండ్లను పరిగణనలోకి తీసుకొని ఈ జాబితాను బ్రాండ్ ఫైనాన్స్ రూపొందించింది. నిబద్ధత, ఉద్యోగుల సంతృప్తి, కార్పోరేట్ గౌరవం, ఉద్యోగుల సంతోషం వంటి అంశాలను పరిగణనలోకి తీసుకుంది.
ఐటీలో అత్యంత శక్తివంతమైన బ్రాండ్గా టీసీఎస్
ఈ జాబితాలో 78.3 పాయింట్ల స్కోర్తో, ఏఏప్లస్ రేటింగ్తో అగ్రస్థానంలో నిలిచామని టీసీఎస్ పేర్కొంది. గత 6 ఏళ్ల నుంచి ఐటీ రంగంలో టీసీఎస్ బ్రాండ్ వేగంగా అభివృద్ధి చెందుతోందని ఈ జాబితాలో తెలిపింది.
ఐటీలో అత్యంత శక్తివంతమైన బ్రాండ్గా టీసీఎస్
టీసీఎస్ బ్రాండ్ విలువ 2010లో 2.34 బిలియన్ డాలర్లు(రూ.11,000 కోట్లు)గా ఉంది. అదే టీసీఎస్ బ్రాండు విలువ, 2016 నాటికి 940 కోట్ల డాలర్ల (సుమారు రూ.60,000 కోట్లు)కు పెరిగింది.
ఐటీలో అత్యంత శక్తివంతమైన బ్రాండ్గా టీసీఎస్
మరోవైపు అన్ని రంగాల పరంగా చూస్తే అత్యంత శక్తివంతమైన బ్రాండ్గా డిస్ని, అత్యంత విలువైన బ్రాండ్గా ఆపిల్ నిలిచాయని తెలిపారు.
ఐటీలో అత్యంత శక్తివంతమైన బ్రాండ్గా టీసీఎస్
ఐటీ సర్వీసుల రంగంలో తమ విజయంలో కంపెనీలోని 3,44,000 మంది ఉద్యోగుల కృషి ఫలితం ఉందన్నారు. దీంతో పాటు తమ ఖాతారులే అతి ముఖ్యమని, వారికి నాణ్యమైన సేవలు అందించడం వల్లే అగ్రస్థాయి ఐటీ కంపెనీగా ఎదిగామని టీసీఎస్ సీఈఓ, ఎండీ, ఎన్. చంద్రశేఖరన్ అన్నారు.