నటి నందిత చేతుల మీదుగా "వియాన్ సిల్క్ షోరూం" ప్రారంభం(ఫోటోలు)
విశాఖపట్నం: డాబాగార్డెన్స్లో గురువారం జరిగిన వియాన్ షోరూమ్ ప్రారంభోత్సవంలో హీరోయిన్, 'ప్రేమకథా చిత్రం' ఫేం నందిత సందడి చేసింది. ఈ సందర్భంగా ఆమె మాట్లాడుతూ అందమైన విశాఖకు వియాన్ షోరూం మరింత ఆకర్షణ తీసుకువచ్చిందన్నారు.
విశాఖ మహిళలకు కాంచీపురం నుంచి నేరుగా వైజాగ్కు పట్టుచీరలు వచ్చేందుకు ఈ షోరూం రాకతో మార్గం సుగమం అయిందన్నారు. వియాన్ షోరూంలో విభిన్న రకాలైన కంటి పట్టు చీరలు అందుబాటు ధరల్లో లభ్యమవుతున్నాయన్నారు.
మా అమ్మగారిది విశాఖపట్నమే అని... అందుకే వైజాగ్ అంటే తనకు చాలా ఇష్టమన్నారు. వియాన్ సిల్క్ షోరూం మేనేజింగ్ డైరెక్టర్ సతీష్ మాట్లాడుతూ తమ షోరూం ద్వారా మొదటి సారి గ్రేటర్ విశాఖలో కంచి కలెక్షన్లు కస్టమర్లకు అందుబాటులోకి తేవడం చాలా సంతోషంగా ఉందన్నారు.
డిజైనర్ చీరలు, హ్యాండ్ లూమ్ చీరలు, ప్యాన్సీ చీరలు షోరూంలో ఉంచామని అన్నారు. కిడ్స్ వేర్, జెంట్స్ వేర్, యాక్ససరీలతో పాటు ప్రారంభోత్సవ ఆఫర్గా కస్టమర్లకు రూ. వెయ్యి కొనుగోలుపై సిల్వర్ కాయిన్, రూ. 10 వేలు కొనుగోలుపై బంగారు నాణెం, వెండి నాణెం ఉచితంగా ఇస్తున్నామన్నారు.