దేశంలో బ్యాంకులు అందిస్తున్న వివిధ రకాల పొదుపు ఖాతాలు
నగదు లావాదేవీలు నిర్వహించడానికి మనం బ్యాంకుకు వెళుతుంటాం. ఐతే బ్యాంకులో వివిధ రకాలైన బ్యాంకు ఖాతాలు ఉంటాయనే విషయం చాలా మందికి తెలియదు. సాధారణంగా వినియోగదారు వయసు, సంపాదనను బట్టి బ్యాంకులో వివిధ రకాలై
నగదు లావాదేవీలు నిర్వహించడానికి మనం బ్యాంకుకు వెళుతుంటాం. ఐతే బ్యాంకులో వివిధ రకాలైన బ్యాంకు ఖాతాలు ఉంటాయనే విషయం చాలా మందికి తెలియదు. సాధారణంగా వినియోగదారు వయసు, సంపాదనను బట్టి బ్యాంకులో వివిధ రకాలైన ఖాతాల ఓపెన్ చేయిస్తుంటారు. ప్రజలు చేసే డిపాజిట్లు బ్యాంకులకు వనరుల్లాంటివి. అందుకే వాటికి అంత ప్రాముఖ్యత. వీటిని 'డిమాండ్ డిపాజిట్లు' , 'టైమ్/టర్మ్ డిపాజిట్లు' గా వర్గీకరించారు. డిపాజిటర్లు కోరుకున్న సమయంలో బ్యాంకులు డిపాజిట్లు చెల్లించే వాటిని డిమాండ్ డిపాజిట్లు అంటారు. వీటిని మళ్లీ 'పొదుపు ఖాతా' , 'కరెంటు ఖాతా'గా వర్గీకరించారు. ఈ నేపథ్యంలో వివిధ రకాల బ్యాంకు ఖాతాలను గురించి తెలుసుకుందాం.
సీనియర్ సిటిజన్ పొదుపు ఖాతా
* సీనియర్ సిటిజన్ సేవింగ్స్ బ్యాంకు అకౌంట్ పేరులోనే ఈ ఖాతా ఎవరికోసమో తెలుస్తుంది. 60 సంవత్సరాలు పైబడిన వారికోసం ప్రత్యేకంగా ఈ ఖాతాను బ్యాంకులు అందిస్తున్నాయి. ఈ ఖాతా వల్ల చాలా ప్రయోజనాలున్నాయి. ముఖ్యంగా సీనియర్ సిటిజన్స్కు ప్రభుత్వ బ్యాంకులు అధిక వడ్డీని అందిస్తున్నాయి. ఈ ఖాతా కలిగి ఉన్నవారు ఎఫ్డీలపై సాధారణ పొదుపు ఖాతా కలిగిన వారి కంటే అధిక వడ్డీలను పొందుతారు. అంతే కాకుండా రుసుముల విషయంలో సైతం ప్రత్యేక ప్రయోజనాలు ఉంటాయి.
మహిళల పొదుపు ఖాతా
* మహిళా పొదుపు ఖాతాలు మహిళల కోసం ప్రత్యేంగా కొన్ని బ్యాంకులు ఈ ఖాతాలను అందిస్తున్నాయి. మహిళల ఆర్థిక అవసరాలు, పెట్టుబడి మరియు జీవనశైలి అవసరాలను దృష్టిలో పెట్టుకుని బ్యాంకులు ఈ ఖాతాలను ప్రవేశపెట్టాయి. ఈ పొదుపు ఖాతాలకు కొన్ని బ్యాంకులు ఆకర్షణీయమైన ప్రయోజనాలు అధిక ఉపసంహరణ పరిమితి అందిస్తున్నాయి. మహిళల పొదుపు ఖాతాలకు అనుబంధంగా కొన్ని అదనపు సేవలను సైతం చాలా బ్యాంకులు అందిస్తున్నాయి. వీటిని బ్యాంకులో విచారించి తెలుసుకోవాలి.
సాధారణ పొదుపు ఖాతా
* సాధారణ సేవింగ్ అకౌంట్స్ సాధారణ పొదుపు ఖాతా ఎవరైనా తెరవవచ్చు. ఈ ఖాతాల్లో త్రైమాసికానికి కొంత మొత్తం నిల్వ ఉంచాల్సి ఉంటుంది. అలా నిర్వహించని పక్షంలో బ్యాంకులు పెనాల్టీ వసూలు చేసే అవకాశం ఉంది. సాధారణ పొదుపు ఖాతా లావాదేవీల పుస్తకం, నెట్ బ్యాంకింగ్, ఫోన్ బ్యాంకింగ్, పుస్తకం సౌకర్యం మరియు డెబిట్ కార్డులు లాంటి లక్షణాలను అందిస్తుంది. ప్రతి పొదుపు ఖాతాకు మెసేజ్ అలర్ట్స్ సదుపాయం ఉంటుంది. ఇందుకోసం బ్యాంకులో ప్రత్యేక ఫారంను నింపి ఇవ్వాలి. దీని ద్వారా మీ ఖాతా సంబంధించిన వివరాలను మొబైల్లోనే పొందవచ్చు.
కరెంట్ ఖాతా
వ్యాపారస్థులు, వాణిజ్య కార్యకలాపాలతో సంబంధం ఉన్నవారు, తరచూ లావాదేవీలు జరిపే వారికోసం ఉద్దేశించింది ' కరెంట్ ఖాతా '. ఒక రోజుకు చేయాల్సిన లావాదేవీలపై పరిమితులు ఉండవు. కాబట్టి ఈ రకం ఖాతాలో చెక్కు, డిమాండ్ డ్రాఫ్ట్ రూపంలో చెల్లింపులు, డిపాజిట్లు చేసుకునేందుకు సౌకర్యంగా ఉంటుంది. ఈ రకం ఖాతాలోని డిపాజిట్లకు ఎటువంటి వడ్డీ చెల్లించరు.
నో ఫ్రిల్ సేవింగ్ అకౌంట్స్
నో ఫ్రిల్ సేవింగ్స్ ఖాతా కలిగిన వ్యక్తులు కనీస బ్యాలెన్స్ ప్రమాణం లేదా చాలా తక్కువ కనీస బ్యాలెన్స్ ఉండాల్సిన అవసరం లేదు. భారతదేశం యొక్క రిజర్వ్ బ్యాంక్ సూచన ప్రకారం ఎక్కువ మంది చేరుకోవడానికి దీన్ని ప్రవేశపెట్టారు. అయితే, నో ఫ్రిల్ ఖాతా నిర్దిష్ట పరిమితులతో బ్యాంకు నుండి బ్యాంకు మారుతుంటుంది.
స్టూడెంట్స్ పొదుపు ఖాతా
* కేవలం కొన్ని బ్యాంకులు మాత్రమే ఈ స్టూడెంట్ సేవింగ్స్ ఖాతాలను అందిస్తున్నాయి. ఈ ఖాతా కనీస బ్యాలెన్స్ లేదా చాలా తక్కువ సంతులనంతో నిర్వహించాల్సి ఉంటుంది.
శాలరీ అకౌంట్ :
నెలవారీ వేతనాన్ని పొందుటకు బ్యాంకులు తెరిచే ఖాతాను శాలరీ అకౌంట్ అని వ్యవహరిస్తారు. సాధారణ పొదుపు ఖాతాను ఎవరైనా తెరిచే వీలుండగా దీన్ని ఉద్యోగం కల్పించే సంస్థలు తమ ఉద్యోగుల కోసం తెరిపిస్తాయి. చాలా బ్యాంకులు ఉద్యోగం మారితే ఆ ఖాతాను శాలరీ అకౌంట్గా పరిగణించవు. అప్పుడు కనీస నిల్వ నిర్వహించకపోతే పెనాల్టీలు విధిస్తాయి. ఈ విషయంలో ఖాతాదారులు జాగ్రత్తగా ఉండాలి.
ఎన్నారై కోసం ప్రత్యేక అకౌంట్స్
ఎన్నారైల కోసం ప్రత్యేకించి కొన్ని బ్యాంకులు ఖాతాలను అందిస్తున్నాయి. అవేంటో చూద్దాం.
* ఎన్ఆర్ఈ సేవింగ్స్ అకౌంట్ ఈ ఖాతాలో రూపాయి కరెన్సీతో నిర్వహించబడుతుంది. భారత జాతీయతను దృష్టిలో పెట్టుకుని వ్యక్తులు అందించిన సమాచారం మేరకు ఇద్దరు లేదా అంతకంటే ఎక్కువ మంది పేర్లతో ఖాతాలో ఓపెన్ చేయవచ్చు.
* ఎన్ఆర్ఓ సేవింగ్స్ అకౌంట్ ఎన్ఆర్ఓ పొదుపు ఖాతాలు కరెంట్, సేవింగ్స్, ఫిక్స్డ్ డిపాజిట్లు అనుసంధానం చేయబడి రూపాయి తెగలతో నిర్వహించబడుతుంది. ఈ ఖాతాను నివాసితులు సంయుక్తంగా నిర్వహించవచ్చు. భారత్లో నివసిస్తున్న వారు కూడా ఈ ఎన్ఆర్ఓ సేవింగ్స్ అకౌంట్లోకి నగదును బదిలీ చేయవచ్చు.