English हिन्दी ಕನ್ನಡ മലയാളം தமிழ்

పీఎఫ్ యూఏఎన్ ఖాతాకు ఆధార్ అనుసంధానం చేశారా?

Subscribe to GoodReturns Telugu

దేశంలో ప‌నిచేసే ఉద్యోగులంద‌రికీ యూఏఎన్(యూనివ‌ర్స‌ల్ అకౌంట్ నంబ‌రు లేదా సార్వ‌త్రిక ఖాతా సంఖ్య‌) అనేది చాలా ముఖ్య‌మైన‌ది. ఎందుకంటే ఉద్యోగం మారిన‌ప్పుడు పీఎఫ్ డ‌బ్బును బ‌ద‌లాయించుకోవ‌డాన్ని(ట్రాన్స్‌ఫ‌ర్‌) యూఏఎన్ సుల‌భ‌త‌రం చేస్తుంది. ఆధార్ నంబ‌రు సైతం ఇప్పుడు చాలా వాటికి అనుసంధానిస్తుండ‌టం వ‌ల్ల దాని ప్రాముఖ్య‌త పెరుగుతోంది. అదేవిధంగా ఇప్పుడు మీ యూఏఎన్ ఆధార్ సంఖ్య‌తో అనుసంధానం అయి ఉంటే ఈపీఎఫ్ఓ మీ క్లెయింల‌ను త్వ‌ర‌గా పూర్తిచేస్తుంది. అంతేకాకుండా ఉద్యోగం మారినప్పుడు సైతం చాలా సులువుగా ఉంటుంది.

ఆధార్ ఆధారిత యూఏఎన్ ఉంటే క‌లిగే ప్ర‌యోజ‌నాల‌ను కింద చూద్దాం.

1. నామినేష‌న్ ఆన్‌లైన్ అప్‌డేట్‌

మీరు యూఏఎన్‌ను యాక్టివేట్ చేసుకుని ఉంటే ఆన్‌లైన్‌లోనే ఎన్నిసార్లైనా నామినీని మార్చుకోవ‌చ్చు. ఒక‌సారి ఆన్‌లైన్‌లో స‌బ్‌మిట్ చేసిన తర్వాత దాన్ని ఉద్యోగి ప‌నిచేసే సంస్థ‌కు పంపిస్తారు.

2. డౌన్‌లోడ్ పాస్‌బుక్‌

ఒక‌సారి యూఏఎన్ ఆన్‌లైన్ రిజిస్ట్రేష‌న్ పూర్తిచేసి ఉంటే, పీఎఫ్ వెబ్‌సైట్‌లో యూఏఎన్ లాగిన్ వివ‌రాలు ఎంట‌ర్ చేయ‌డం ద్వారా పీఎఫ్ పాస్‌బుక్‌ను డౌన్‌లోడ్ చేసుకోవ‌చ్చు. http://uanmembers.epfoservices.in/
లాగిన్ అయిన త‌ర్వాత డౌన్‌లోడ్ ట్యాబ్‌లో డౌన్‌లోడ్ పాస్‌బుక్‌ను నొక్కాలి.
పాస్‌బుక్ పీడీఎఫ్‌ను సైతం డౌన్‌లోడ్ చేసుకునే స‌దుపాయం ఉంది.

పీఎఫ్ పాస్‌బుక్‌ను డౌన్‌లోడ్ చేసుకోవ‌డం ఎలా?

 

3. మీకు ఒక‌టి కంటే పీఎఫ్ ఖాతాలుంటే

ఒక‌టి కంటే ఎక్కువ పీఎఫ్ ఖాతాలున్నాస‌రే వాట‌న్నింటినీ యూఏఎన్‌తో లింక్ చేసుకోవాల్సిందిగా ఈపీఎఫ్ఓ కోరుతోంది. అదే విధంగా యూఏఎన్‌తో కేవైసీ వివ‌రాల‌ను సైతం అనుసంధానం చేయాలి.

4. కేవైసీ వివ‌రాల అప్‌డేట్‌

మెంబ‌ర్ పోర్ట‌ల్‌లో లాగిన్ అయిన త‌ర్వాత ప్రొఫైల్ క్లిక్ చేయండి. అక్క‌డ 'అప్‌డేట్ కేవైసీ ఇన్ఫ‌ర్మేష‌న్' ను నొక్కండి. డాక్యుమెంట్ల‌లో ఉన్న విధంగా స‌రైన పేరును ఎంట‌ర్ చేయండి. అదే విధంగా రుజువుగా స‌మ‌ర్పిస్తున్న డాక్యుమెంట్ నంబ‌రును పొందుప‌ర‌చండి. స్కాన్‌డ్ డాక్యుమెంట్ల‌ను అప్‌లోడ్ చేయండి.

5. ఆన్‌లైన్ ట్రాన్స్‌ఫ‌ర్ క్లెయిం స్టేట‌స్‌

ఈపీఎఫ్ యూఏఎన్ మెంబ‌ర్ పోర్ట‌ల్‌లో స‌భ్యులైన వారు దీనికి అర్హులు. వీరంతా ఉద్యోగం మారిన‌ప్పుడు పీఎఫ్ ఆన్‌లైన్ ట్రాన్స్‌ఫ‌ర్ స‌దుపాయాన్ని ఎంచుకుంటే ఆ ఆన్‌లైన్ ట్రాన్స్‌ఫ‌ర్ స్టేట‌స్‌ను ఎప్ప‌టిక‌ప్పుడు చూసుకోవ‌చ్చు

6. వ్య‌క్తిగ‌త వివ‌రాల మార్పు

మొబైల్ నంబ‌రు, ఈమెయిల్ ఐడీ వంటి వివ‌రాల‌ను మెంబ‌ర్ పోర్ట‌ల్‌లో లాగిన్ అయి మార్చుకోవ‌చ్చు.
ఇందుకోసం ఎడిట్ మొబైల్ నం., ఎడిట్ ఈమెయిల్ ఐడీ ఆప్ష‌న్ల‌ను ఉప‌యోగించాలి.

7. యూఏఎన్ కార్డ్ డౌన్‌లోడ్‌

లాగిన్ అయిన త‌ర్వాత హోం ప‌క్క‌న ఉన్న డౌన్‌లోడ్ ఆప్ష‌న్‌లో ఈ ఆప్ష‌న్ ఉంటుంది. అందులో 'డౌన్‌లోడ్ యూఏఎన్ కార్డు ' ను ఎంచుకోవ‌డం ద్వారా మీ యూఏఎన్ కార్డును డౌన్‌లోడ్ చేసుకోవ‌చ్చు.

8. ఇత‌రాలు

మీరు ఎప్పుడైనా మెంబ‌ర్ పోర్ట‌ల్‌లో యూఏఎన్ నంబ‌రు గుర్తు ఉండి పాస్‌వ‌ర్డ్ మ‌రిచిపోతే పాస్‌వ‌ర్డ్‌ను స‌త్వ‌ర‌మే రిక‌వ‌ర్ చేసుకోవ‌చ్చు. ఇందుకోసం ఫ‌ర్‌గాట్ పాస్‌వ‌ర్డ్ పైన క్లిక్ చేయాలి. త‌ర్వాత యూఏఎన్ నంబ‌రును, న‌మోదిత మొబైల్ నంబ‌రును క్లిక్ చేస్తే మీ ఫోన్ నంబ‌రులో పాస్‌వ‌ర్డ్ వ‌స్తుంది. దానిని ఎంట‌ర్ చేయ‌డం ద్వ‌రా మీరు మీ ఖాతాలో లాగిన్ అవ్వ‌వ‌చ్చు.

Story first published: Thursday, September 1, 2016, 10:52 [IST]
English summary

benefits of Aadhar backed EPF UAN

Universal Account Number (UAN) is a very important number for working employees as it will ease many process related to job change, EPF transfer, etc,. Aadhaar number is another vital number for most Indians as it needed in most of the transactions.
Please Wait while comments are loading...
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?