ఐపీవోలో గ్రీన్షూ ఆప్షన్ అంటే ఏమిటి?
గ్రీన్షూ ఆప్షన్ వల్ల కంపెనీలు సేకరించాల్సిన మూలధనం కంటే కొంతమేర ఎక్కువ నిధులు కూడా ప్రజల నుంచి సేకరించే అవకాశం ఉంటుంది. మొదటిసారిగా గ్రీన్షూ తయారీ కంపెనీ ఈ సదుపాయాన్ని కల్పించుకోవడం ద్వారా ఈ సదుపాయాన్ని గ్రీన్ షూగా పిలువడం జరుగుతోంది. అయితే ప్రజల నుంచి కంపెనీలు సేకరించాల్సిన మూలధనంపై నియంత్రణ అధికారం మన దేశంలో (సెక్యూరిటీ ఎక్సేంజి బోర్డ్ ఆఫ్ ఇండియా) సెబికి ఉంటుంది.
గ్రీన్షూ ఆప్షన్ కారణంగా ఐపీవో జారీ చేసిన కంపెనీలకు కొంత మేర ప్రయోజనం ఉంటుంది. జారీ చేసిన వాటాల ధరలలో హెచ్చు తగ్గుదలతో కంపెనీలు ఎలాంటి ఒడిదుడుకులకు లోనుకాకుండా గ్రీన్షూ దోహదపడుతుంది. సాధారణంగా ఐపీవో ద్వారా కంపెనీలు చాలా వాటాలను ఒకేసారి జారీ చేస్తాయి. ఐపివోలో కంపెనీకి సంబంధించిన పూర్తి వివరాలను తెలియడం జరుగుతుంది.
ఏ కంపెనీలైతే ఐపివోను జారీ చేస్తున్నాయో ఆ కంపెనీలు గ్రీన్షూ ఆప్షన్ వల్ల కావాల్సిన మూలధనం కన్నా కొంత మేర ఎక్కువగా కూడా సేకరించవచ్చు. అయితే గ్రీన్షూ అనేది కంపెనీ జారీ చేయబడిన షేర్ల మొత్తం విలువలో 15శాతంకు మించరాదు. ఐపివో పోస్ట్ లిస్టింగ్ జారీ చేయబడిన 30రోజులపాటు షేర్ల ధరలు స్థిరంగా ఉండే అవకాశం ఉంటుంది. ఆ తర్వాత ఈక్విటీ షేర్ల అమ్మకం సందర్భంగా షేర్ల ధరలలో హెచ్చుతగ్గులు ఏర్పడే అవకాశం ఉంటుంది.
గ్రీన్షూ ఆప్షన్ అర్థం చేసుకునేందుకు ఒక ఉదాహరణ. x అనే కంపెనీ గ్రీన్షూ ఆప్షన్ను ఉపయోగించి 10శాతంతో 5 మిలియన్ షేర్లను జారీ చేసిందని అనుకుందాం. ఆ తర్వాత కంపెనీ షేర్లకు ఉన్న డిమాండ్ను దృష్టిలో పెట్టుకుని గ్రీన్షూ ఆప్షన్తో అదనంగా మరో 5లక్షల షేర్లను జారీ చేసే అవకాశం ఉంటుంది. కంపెనీలకే కాకుండా గ్రీన్ షూ ద్వారా పెట్టుబడిదారులకు కూడా ప్రయోజనం ఉంది. మార్కెట్లలో కంపెనీల వాటాల ధరలను స్థిరంగా ఉంచి పెట్టుబడులు పెట్టేందుకు అవకాశం కల్పిస్తుంది.